Sınhrondy júzýden Olımpıada oıyndaryna irikteý kezeńiniń sońǵy aınalymy naýryzdan mamyrǵa aýystyryldy. Bul týraly Halyqaralyq sý sporty túrleri federasııasy habarlady dep jazady Egemen.kz Olympic.kz saıtyna silteme jasap.
4-7 naýryz aralyǵynda Tokıoda ótedi dep josparlanǵan dodanyń mamyrǵa aýystyrylýyna Japonııada tótenshe jaǵdaı rejıminiń engizilýi sebep bolyp otyr.
Sol sebepti, uıymdastyrýshylar týrnırdi 1-4 mamyrǵa shegerdi.
Aıta ketelik, Japonııadaǵy tótenshe jaǵdaı rejımi 7 aqpanǵa deıin jalǵaspyq. Eger eldegi epıdemıologııalyq ahýal nasharlaı tússe, tótenshe jaǵdaı rejımi taǵy bir aıǵa sozylýy múmkin.
Sınhrondy júzýden Qazaqstan komandasynda bir joldama bar. Tokıo Olımpıadasyna Ekaterına jáne Aleksandra Nemıchter synǵa túsedi.