Takeda Pharmaceuticals (Takeda) jahandyq bıofarmasevtıkalyq kompanııasynyń resmı ókildigi bolyp tabylatyn «Takeda Qazaqstan» kompanııasy Top Employers Institute (Úzdik Jumys Berýshiler Instıtýty) bedeldi halyqaralyq uıymynyń «Úzdik jumys berýshi 2021» marapatyn qaıta ıelenip, Qazaqstandaǵy jetekshi jumys berýshi ataǵyn rastady. Buǵan qosa, Takeda kompanııasyna tórtinshi jyl qatarynan álemdegi úzdik jumys berýshiniń bedeldi jahandyq mártebesi berildi, dep habarlaıdy Egemen.kz.
Osy jyly Takeda kompanııasy 38 elde jáne tórt geografııalyq aımaqta: Azııa-Tynyq muhıty, Eýropa, Latyn Amerıkasy jáne Taıaý Shyǵysta «Úzdik jumys berýshi 2021» mártebesin rastaý arqyly qundylyqtar, etıka men adaldyq, uıymdastyrýshylyq ózgerister, kóshbasshylyq, turaqtylyq, ónimdilikpen belsendilikti basqarý sııaqty salalarda Top Employers Institute talaptarynyń shyńynan kórindi. Takeda jergilikti operasııalyq kompanııalaryna berilgen 38 sertıfıkattyń 24-i Qazaqstan kiretin О́sip kele jatqan jáne Damýshy naryqtar bıznes bólimshesine berilip otyr. - Biz ekinshi jyl qatarynan Qazaqstandaǵy úzdik jumys berýshi ataǵyn rastaǵanymyzǵa qýanyshtymyz. Biz úshin Takeda qyzmetkerlerine eń jaqsy jumys jaǵdaılaryn jasaý jáne árkimge óz-ózin kórsetýge múmkindik berý asa mańyzdy, óıtkeni bul damyp kele jatqan naryqtardaǵy pasıentterdiń qajettilikterin qanaǵattandyrý jolyndaǵy kompanııanyń mindettemeleri boıynsha bizdiń adamdarǵa barlyq múmkindikti iske asyrýǵa kómektesetin kilt dep sanaımyz,- dedi «Takeda Qazaqstan» JShS personalmen jumys jónindegi dırektory Aıjan Kenje.
"Búgingi COVID-19 pandemııasymen baılanysty qıyn jaǵdaı adamzatqa kóbirek nazar aýdarýdy talap etedi. Qyzmetkerlerimizge qoldaý kórsetip, ózin-ózi júzege asyrýdy demep jáne senim mádenıetin nyǵaıta otyryp, biz adamdarǵa myqty densaýlyq pen álemniń jarqyn bolashaǵyn qurýǵa kómektese alamyz,"-deıdi ol. Top Employers Institute bas dırektory Devıd Plınk atap ótkendeı, - Takeda kompanııasy jahandyq jáne jergilikti deńgeıde óz qyzmetkerlerine adaldyǵyn kórsetýdi jalǵastyrýda jáne biz olardy tórtinshi jyl qatarynan Top Employer jahandyq sertıfıkasııasyn ıelenýimen quttyqtaımyz. Joǵaryda atap ótilgendeı, bıyl úzdik jumys berýshi mártebesi Instıtýt anyqtaǵan geografııalyq aımaqtardaǵy Takeda-nyń 38 jergilikti operasııalyq kompanııalaryna berildi: · Afrıka: Aljır · Azııa-Tynyq muhıty aımaǵy: Avstralııa, Qytaı, Gonkong, Indııa, Indonezııa, Japonııa, Malaızııa, Fılıppınder, Sıngapýr, Ońtústik Koreıa, Taıvan jáne Taıland. · Evropa: Avstrııa, Fınlıandııa, Fransııa, Germanııa, Irlandııa, Italııa, Qazaqstan, Polsha, Portýgalııa, Reseı, Ispanııa, Shveısarııa, Túrkııa, Velıkobrıtanııa jáne Ýkraına. · Latyn Amerıkasy: Argentına, Brazılııa, Kolýmbııa, Ekvador, Meksıka jáne Perý. · Taıaý Shyǵys: Izraıl, Saýd Arabııasy ı Birikken Arab Ámirlikteri. · Soltústik Amerıka: AQSh. Top Employers Institute baǵdarlamasy personaldy basqarý salasyndaǵy ozyq tájirıbeni rastaıtyn táýelsiz zertteý nátıjeleri negizinde uıymdardy sertıfıkattaıdy. Bul saýalnama personaldy basqarý qyzmetiniń 6 salasyn qamtıdy, olar adamdarǵa baǵdar alatyn 20 baǵyttan turady, olardyń ishinde: mansapty damytý; mádenıet; ártúrlilik jáne ıntegrasııa; oqytý; turaqtylyq; qundylyqtar; ál-aýqat jáne jumys ortasy. 30 jyl buryn qurylǵan Instıtýt osy ýaqyt aralyǵynda bes qurlyqtaǵy 1600-den astam úzdik jumys berýshini sertıfıkattaǵan. Úzdik jumys berýshiler Instıtýty jáne úzdik jumys berýshilerdi sertıfıkattaý týraly www.top-employers.com saıtynan bilýge bolady.