Nur-Sultan qalasynda memlekettik baǵdarlamamen baspana alyp berýge ýáde etken alaıaq áıel sottaldy, dep habarlaıdy Egemen.kz
«27 jastaǵy kelinshek memlekettik baǵdarlamamen kezekten tys turǵyn úı alyp berýge ýáde bergen. Ol azamattardan ártúrli somada qarajat alyp otyrǵan. Anyqtalǵandaı, kúdikti 2015-2017 jyldar aralyǵynda adamdardyń senimine kirip, iri mólsherde materıaldyq shyǵyn keltirgen. Jalpy soma shamamen 300 mln teńgeni quraıdy», dedi qalalyq Polısııa departamentinen.
Kúdikti óz kinásin tolyq moıyndap, №2 «Saryarqa» aýdandyq sotynyń sheshimimen QK 190-baby 4-bóligi, 2-tarmaǵymen 7 jylǵa bas bostandyǵynan aıyryldy.
Departament qyzmetkerleri atalǵan qylmystyq áreketten zardap shekken tulǵalar bar bolsa Nur-Sultan qalasy Polısııa departamentine habarlasýlaryn surady.