Rentgenohırýrgııa – arnaıy quraldardy qoldana otyryp, sáýlelendirý tehnıkasynyń baqylaýymen qan tamyrlaryna úlken tilik jasamaı atqarylatyn ota. Shymkent qalasynda osy salany jetik meńgergen dárigerdiń biri – Erbol Ádilbekov.
Erbol Bazarbaıuly 17 jyldan beri «Shymkent júrek ortalyǵy» angıografııa zertteýler bóliminde rentgenhırýrg bolyp, kordıologııa salasynda jemisti eńbek etip keledi.
Ol 3000-ǵa jýyq kúrdeli ota jasap, jas mamandarǵa sheberlik sabaǵyn ótkizgen. Bilikti dáriger óz bilimin úzdiksiz jetildirip, rentgenohırýrgııa salasynda em júrgizýdiń barlyq tásilderin jetik meńgergen.
Jalpy, kardıologııalyq ortalyqtaǵy angıografııa zertteýler bólimi 2007 jyly elimizde alǵash bolyp Shymkent qalasynda ashylǵan bolatyn. Bul bólimde júrek-qan tamyrlaryna stend qoıý, tarylǵan tamyrdy keńeıtý qyzmetin kórsetedi. Bul rentgenhırýrgııa jolymen jasalady.
Aıta keteıik, angıografııa bóliminde ótken jyly 2645 naýqasqa koronagrafııa qyzmeti kórsetilgen. Onyń 106-i stendteý, 352-i ambýlatorlyq koronagrafııa.