Shyǵys Qazaqstan oblysy Rıdder qalasynda Úlbi ózeniniń mańaıyndaǵy Serjıha taýynda qar kóshkini basyp qalǵan týrıstiń ólimin tergeý úshin komıssııa quryldy, dep habarlaıdy Egemen.kz
ShQO tótenshe jaǵdaılar departamenti baspasóz qyzmetiniń málimetinshe, 6 týrıst shańǵy tebý úshin Rıdderge О́skemennen kelgen. Taýdan syrǵanap júrgende kenet kóshkin júrip, olardyń birin basyp qaldy.
Dereý kómekke TJD jedel qutqarý jasaǵynyń qutqarýshylar toby Evrokopter-145 tikushaǵymen shyqty. Quramynda 5 adam bar ekinshi top jol talǵamaıtyn kólikpen О́skemennen jol tartqan. Oǵan qosa Rıdder qalasynan qutqarýshylar men 4 volonter jumyldyryldy. Alaıda tikushaq kúnniń bultty bolýy men aqtútek boranǵa baılanysty qonýǵa májbúr bolǵan. Osy ýaqytta saıahatshylar baılanysqa shyǵyp qar astynda qalǵan 1979 jylǵy er adamnyń denesin tapqandaryn aıtty.
Saıahatshylar turǵan oryndarynyń naqty koordınattaryn berip, ol jerge qutqarýshylar men volonterlar qarda júretin tehnıkamen jetti.
«11 aqpanda 8 volonter, 2 qutqarýshy jáne 1 krımınaldyq polısııa qyzmetkerinen turatyn top qaza bolǵan adamnyń denesin túsirý úshin taýǵa ketti. Qalyń qar men bıik taýdy eńsergen olar 35 shaqyrymdy artqa tastaǵan. Saǵat 15:10-da marqumnyń denesi túsirildi. Týrısttiń ólimin tergeý úshin komıssııa qurylǵan», dep habarlady vedomstvo ókilderi.
Osy rette qutqarýshylar óńir turǵyndaryna qar kóshkini qaýpi joǵary taýly aımaqtarǵa barmaýǵa keńes beredi.