Túrkistan oblysynda 2500-den astam turǵyn qarjy pıramıdasyna aldanǵan, dep habarlaıdy Egemen.kz Túrkistan oblysynyń polısııa departamentine silteme jasap.
Elimizdiń 5 oblysynyń birqatar turǵyndary qarjy pıramıdasynyń shyrmaýyna shyrmalyp, aldanǵan bolatyn. Búginde atalǵan barlyq qylmys ister biriktirilip, Túrkistan oblysy PD TB-nyń óndirisine berilgen. QK 217-baby 3-bóligi 2-tarmaǵy boıynsha qylmystyq is tergelýde.
Osy jaǵdaıǵa baılanysty Túrkistan oblysynyń polıseıleri azamattarǵa kúmándi ýádelerge senbeı, barynsha qyraǵy bolý kerektigin eskertedi. Búginde joǵarydaǵy qylmystyq is boıynsha 70-ten asa tulǵa anyqtalyp, onyń ishinde 24 adam kúdikti dep tanylǵan. Qazirgi tańda Túrkistan oblysy boıynsha tergeý organyna 2500-ke jýyq azamat «Indıgo 24» pıramıdasyna ılanyp, aldanyp qalǵany jóninde aryzdanǵan. Olarǵa kelgen materıaldyq shyǵyn 2,5 mlrdqa jýyq teńgeni qurady.
Qazirgi tańda qylmystyq is boıynsha tájirıbeli tergeýshilermen tergeý amaldary júrgizilýde. «Sondyqtan Túrkistan oblysynyń turǵyndaryna eskertemiz. Eger siz «Indıgo 24» qarjy pıramıdasynyń qurbany bolsańyz, mindetti túrde Jetisaı aýdany Asyqata kentiniń polısııa bólimshesine kelińiz. Ne bolmasa «102» jedel jelisi arqyly habarlasyńyz» dep eskerteli polısııa.