«QazAqparat» HAA» AQ «Tynda» mobıldik qosymshasyn iske qosty. Onda qazaq jáne álem ádebıetiniń jaýharlary, zamanaýı ádebı-tanymdyq týyndylar qazaq tilinde usynylǵan.
Mobıldik qosymshany dál qazir (Android, iOS nusqalary úshin) Play Market jáne App Store jelisinen júktep alyp, elektrondy jáne aýdıokitaptardy onlaın-oflaın nusqada oqyp, tyńdaýǵa bolady.
«Tynda» mobıldik qosymshasy «Klassıkalyq proza», «Klassıkalyq poezııa», «Dala daýysy», «Abaı álemi», «Álemdik klassıka» atty tańdaýly toptamalar men «Roman», «Hıkaıat», «Áńgime», «Esse», «Balalar ádebıeti», «Satıra», «Poema», «О́leń», «Pesa» jáne ózge de janrlardan turady.
Sondaı-aq, unaǵan kitaptardy «Meniń kitaptarym» bólimine saqtap, «Meniń sórelerim» bóliminde jeke kitaphanańyzdy jasaqtaýǵa múmkindik bar. Al «Oqylym statıstıkasy» bóliminde apta, aı nemese jyl boıy oqylǵan kitaptyń better sany, oqý jyldamdyǵy men oqý ýaqytynyń statıstıkasy kórsetiledi.
«Aıdyń jańa kitaptary», «Sizge unaýy múmkin», «Kóp izdelgen» sııaqty aıdarlardan oqyrman men tyńdaýshy jańa ári suranystaǵy kitaptardy taba alady. Ataýly joba tól ádebıetimizdi nasıhattaýdy bir ǵana tetikpen júzege asyrýdy, jańa shyǵarmany, kitapty jyldam ári ońtaıly jolmen taratýdy, kitapqumar oqyrmannyń ýaqytyn únemdeýdi kózdeıdi.