Ońaltý ortalyǵy ashyldy

Jańa mekeme aýdany 1700 shar­shy metr bolatyn úsh qabatty ǵı­maratta oryn tepti. Birinshi qa­batta tirkeý orny men lıft, ekin­shi qabatta ońaltý terapııasynan ótýge arnalǵan medısınalyq jab­dyq­tary bar zaldar, úshinshi qa­batta emshara kabınetteri men táý­lik boıy jatýǵa ar­nal­ǵan palatalar ornalasqan.

Mamandardyń aıtýynsha, munda aı saıyn 80-nen astam adam ońaltýdan ótedi. Jańa ortalyq qaladan bólek, jaqyn mańdaǵy Prıozersk qalasy men Aqtoǵaı jáne Shet aýdandarynan da naýqas­tar­dy qabyldaıtyn bolady. Pasıentterge ortalyq shta­tyndaǵy 6 dáriger men 14 medbıke qyzmet kórsetedi.

Aıta ketetin bir jaıt, buǵan deıin Balqash qala­sy­nyń 700-ge jýyq tur­ǵyny jyl saıyn oblystyq klınıkalarǵa ońaltýǵa ji­be­riletin. Endi jaǵ­daı múl­de ózgerdi: balqash­tyqtar úshin kómektiń bul túri qa­la­nyń ózinde qoljetimdi boldy. Ońaltý or­ta­lyǵy me­dısınalyq qyz­met­tiń san alýan túrin kórsetedi. My­sa­ly, munda orta­lyq jáne perı­fe­rııa­lyq júıke júıesi, qan aınalymy júıesi aýrýlaryna baılanysty qoz­ǵa­lý buzylystary bar, ja­raqattardan, júrekke, mıǵa jáne býyndarǵa opera­sııa jasalǵannan keıingi jaǵ­daı­daǵy eresek pasıentter emdeletin bolady. Munda olar kınezoterapııa, mehanoterapııa jáne ergoterapııa, dári-dármekpen emdeý jáne basqa da medısınalyq qyzmet túrlerin alady.

Eske sala ketsek, Bal­qash­ta ońal­tý ortalyǵy ashylmaı turyp juq­paly aýrýlar aýrý­hanasynyń koronavırýs ınfeksııasyn juq­tyr­ǵan naý­qastar emdeletin kor­pý­sy iske qosylǵan bolatyn. Tórt qabatty ǵımaratty kúrdeli jón­deý 2021 jyldyń aqpan aıy­nyń­ sońynda aıaqtaldy. Buǵan deıin korpýs tórt jyl boıy tek jartylaı ǵana paıdalanylyp kelgen edi. Qazir mekeme 100 tó­sek­ke arnalǵan tolyqqandy tıp­tik juqpaly aýrýlar aýrýhanasyna aınaldy.

Qaraǵandy oblysy,

Balqash qalasy