Jalpy elimizde aýtızmge shaldyqqan 6 myń bala bar. Bilim berý uıymdarynda erekshe bilim berý qajettiligi bar balalardyń 96,58%-y tárbıe, oqytý jáne túzetý-pedagogıkalyq qoldaýmen qamtylǵan. Aýtızmi bar balalardy jalpy bilim berý prosesine tartýǵa kóp kóńil bólinedi. 2020 jyldan bastap mektepterde aýtızmi bar balalardy oqý prosesinde súıemeldeıtin pedagog-assıstent laýazymy engizildi.
BǴM erekshe bilim berý qajettiligi bar balalarmen, onyń ishinde aýtızmi bar balalarmen jumys boıynsha arnaıy pedagogterdi daıarlaý boıynsha jumys júrgizip jatyr. Joǵary oqý oryndaryndaǵy pedagogıkalyq mamandyqtardyń bilim berý baǵdarlamalaryna arnaıy modýlder engizilgen.Sondaı-aq jalpy bilim berý uıymdarynda ınklıýzıvti bilim berý úshin jaǵdaı jasaý boıynsha jumys júrgizilip jatyr. 2025 jylǵa qaraı mektepke deıingi uıymdar men erekshe bilim berý qajettiligi bar jandardy, onyń ishinde aýtızmi bar balalardy qabyldaýǵa daıyndalǵan mektepterdiń úlesin 70%-ǵa deıin, al kolledjder men JOO-lardyń úlesin 100%-ǵa deıin arttyrý josparlanǵan.