Memleket basshysy QazVac vaksınasyn ázirlegen ǵalymdar men mamandarǵa alǵys aıtty. Bul týraly ol óziniń Twitter paraqshasynda jazdy, dep habarlaıdy Egemen.kz.
«QazVac vaksınasy elimizdiń óńirlerine jetkizile bastady. Barlyq azamattarǵa qoljetimdi bolý úshin otandyq ekpe óndirisin ulǵaıtamyz. Qazaqstan álem boıynsha óz vaksınasyn shyǵarǵan birneshe eldiń qatarynda. Ekpeni ázirlegen ǵalymdar men mamandardyń bárine alǵys aıtamyn!» dep jazdy Prezıdent.
Eske sala keteıik, keshe Otandyq QazVac vaksınasynyń alǵashqy partııasy paıdalanýǵa berildi.