Jalǵan vaksınasııa pasportyn satýdyń alǵashqy áreketi qylmystyq jaýapqa tartylýmen aıaqtaldy. Bul jaǵdaı derekqordy qorǵaýdy kúsheıtýge sebep boldy ma?
«Aqparat túskennen keıin Almaty qalasynyń ákimdigimen baılanysqa shyqtym, tańerteń bul jaǵdaı baqylaýǵa alyndy, kúsh qurylymdarymen jumys istep, qamaýǵa alý sharalary júrgizildi...», - dedi densaýlyq saqtaý mınıstrliginiń basshysy Alekseı Soı Ortalyq kommýnıkasııalar qyzmetinde ótken brıfıngte jýrnalısterdiń suraqtaryna bergen jaýabynda.
Onyń aıtýynsha, medısınalyq uıymǵa jetkizilgen dozalar sanyna salystyrý júrgiziledi, naqty qansha, aqparattyq júıede qansha, BAQ-ta, áleýmettik jelilerde suranys pen usynys boıynsha monıtorıng júrgiziledi.
«Qatań jaýapqa tartylady, biz barlyq medısına qyzmetkerlerine bul qylmystyq jaza ekendigin eskerttik, kez kelgen azamat, dáriger bolsyn, onyń janyndaǵy bireý bolsyn: bul jerde zań qatal bolatynyn túsinýi kerek. Bári jazalanady, bárin anyqtaımyz, munyń bári naqty dáleldenedi, óıtkeni aqparattyq júıede ár doza kórinedi. Eger mundaı jaǵdaı oryn alsa, qylmystyq jaza qoldanylady. Biz jaǵdaıdy baqylap, erekshe baqylaýda ustaımyz», dep atap ótti Soı.