Keshe Rostov oblysy Neklınovskıı aýdany Dmıtrıadovka aýylynda tazartý qurylǵylarynda jumys júrgizý barysynda jeti jumysker qaıtys bolǵan, dep habarlaıdy Egemen.kz TASS agenttigine silteme jasap.
Al búgin Taganrog mańyndaǵy aǵyndy sýlardy tazartý kezindegi tótenshe jaǵdaıda jaraqat alǵan taǵy bir adam aýrýhanada qaıtys boldy.
Qazirgi ýaqytta oqıǵa qurbandarynyń jalpy sany - 11.
«Taǵy beseýi Taganrog aýrýhanasyna jetkizildi. Bir adam aýrýhanada qaıtys boldy», dedi agenttiktiń suhbatshysy.
Qala ákimshiliginiń málimetinshe, reanımasııada tórt adam bar. Ákimshilik ókili pasıentterdiń ómirine qaýip tónip turǵanyn aıtty.