Japonııa bıligi koronavırýstyń joqtyǵy týraly anyqtamasy bar jankúıerlerdi Tokıoda ótetin Olımpıada men Paralımpıadaǵa kirgizýge nıetti, dep habarlaıdy Egemen.kz.
Bul týraly dúısenbi, 31 mamyr kúni, Yomiuri Shimbun gazeti habarlady. Sovid-19 testileýi stadıonǵa kirýden jeti kún buryn jasalýy kerek ekendigi aıtyldy.
«Jarys kezinde ınfeksııany taratpas úshin, sportshylardy qoldaý úshin aıqaılaýǵa, tamaqtanýǵa tyıym salynady», dep jazady basylym.
Sondaı-aq stadıonǵa kirer aldynda kórermenderdiń qyzý ólshemi tekserip, mindetti túrde maska taǵýy kerek.
Al vaksınasııadan ótken adamdar tıisti qujattaryn kórsetedi.
Gazet kórermender koronavırýsqa testileýden tegin óte alatynyn jazady. Olımpıada uıymdastyrýshylary kúnine 400 myńǵa jýyq adamdy testileýden ótkizýge daıyn.
Olımpıada oıyndaryn tamashalaýǵa kirgiziletin jankúıerler sany maýsym aıynda anyqtalady.