Birinshi maýsymnan bastap Izraılde koronavırýsqa qatysty qabyldanǵan barlyq shekteýler alynyp tastaldy, dep habarlaıdy Egemen.kz.
Bılik ókilderiniń pikirinshe, jappaı vaksınalaý arqasynda elde ujymdyq ımmýnıtet qalyptasty. Álem boıynsha aýrýdy juqtyrýdyń eń tómen kórsetkishi Izraılde. Izraıl tolyǵymen qalypty tirshiligine oraldy. Meıramhanaǵa kirý úshin «jasyl tólqujat» qajet emes.
Dene qyzýyn da ólshemeıdi, áleýmettik araqashyqtyń saqtalýyn da talap etpeıdi. Tek jabyq bólmelerde medısınalyq maska taǵý kerek. Bul burynǵysha mańyzdy shart.
«Jaǵdaıymyz keremet. Kúnine on-on bes naýqasty anyqtap júrmiz. Osydan eki aı buryn muny armandaǵan da joqpyz. Munyń barlyǵy indetti jeńdik deýge negiz bolyp tur», deıdi koronavırýspen kúres boıynsha shtab basshysy Tomer Lotan.
Qazir elde koronavırýs indetine shaldyqqan 300-deı ǵana naýqas bar. Aýrýy asqynǵandardyń sany elýge jetpeıdi. Koronavırýsty emdeıtin bólimder jabyldy. Meımanhanalarda vaksınalaý týraly sertıfıkatty suramaıtyn boldy. Bılik tipti 12 men 16 jas aralyǵyndaǵy jasóspirimderge ekpe jasaý josparynan bas tartty.