Halyqaralyq karate federasııasy (WKF) Olımpıadalyq reıtıng boıynsha Tokıo Olımpıadasyna joldama alǵan sportshylar tizimin jarııalady. Oǵan sáıkes, Shymkent qalasynyń karateshileri taǵy eki Olımpıada lısenzııasyn ıelendi, dep habarlaıdy Egemen.kz.
«D-3» biliktiligi boıynsha halyqaralyq reıtıngke sáıkes, Danııar Iýldashev Olımpıada lısenzııasyna ıe bolyp, Azııa óńirinde eń joǵary nátıje kórsetken úzdik karateshi atandy.
Sondaı-aq, taǵy bir jerlesimiz Sofıa Berýlseva (+75 keli) da halyqaralyq reıtıngke sáıkes, qurlyqtyq joldamaǵa ıe boldy. Aıta keterligi, karateden Qazaqstan quramasynan Tokıo Olımpıadasyna bes joldama bar. Osyǵan deıin Darhan Asadilov reıtıngte qarsylasynan 1000 upaı alda bolǵandyqtan merziminen buryn Olımpıada lısenzııasyna ıelik etti.
Danııar Iýldashev - karate sport túrinen Qazaqstan Respýblıkasynyń halyqaralyq dárejedegi sport sheberi. 2017 jyly Astanada ótken erler men áıelder arasynda Azııa chempıonatynyń kúmis júldegeri, 2018 jyly Ispanııada ótken «Premer Lıga» Halyqaralyq týrnıriniń kúmis júldegeri.
Sofıa Berýlseva - Halyqaralyq dárejedegi sport sheberi.
Sonymen, Shymkent qalasynyń qorjynyndaǵy Olımpıada joldamalarynyń sany 10-ǵa jetti. Onyń ıegerleri:
Stend atý - Sársenkúl Rysbekova, Kravchenko Zoıa
Oq atý - Iýrıı Iýrkov
Boks - Zakır Safıýllın
Qarate - Darhan Asadilov, Danııar Iýldashev, Sofıa Berýlseva.
Baıdarkada esý - Sergeı jáne Tımofeı Emelıanovtar
Kórkem gımnastıka - Alına Ádilhanova