Ispanııa men Italııa quramalary fýtboldan Eýropa chempıonatynyń jartylaı fınalyna shyqty, dep habarlaıdy Egemen.kz.
Shırek fınalda Sankt-Peterbýrgte Ispanııa Shveısarııany penaltı serııasynda jeńdi. Matchtiń negizgi ýaqyty 1:1 esebimen aıaqtaldy. Oıynnyń 8-mınýtynda shveısarııalyq Denıs Zakarııa dopty óz qaqpasyna soǵyp aldy.
Al 68-mınýtta Djerdan Shakırı tarazy basyn teńestirdi. Birneshe mınýttan soń Remo Froıler qyzyl qaǵaz alyp, Shveısarııa quramasy on oıynshymen qalǵan.
Matchtiń 90 mınýty men eki ekstra-taımda da gol soǵylmady. Al penaltı serııasynda Ispanııa oıynshylary jeńiske jetti.
Al shırek fınaldyń ekinshi matchinde Italııa Belgııany qapy qaldyrdy. Oıyn 2:1 esebimen aıaqtaldy.
Oıynnyń 31-mınýtynda ıtalııalyq Nıkolo Barella esep ashty. Al 44-mınýtta Lorenso Insıne ádemi gol soǵyp, Italııa quramasy esepti ulǵaıtty.
Birinshi taımnyń sońynda Romelý Lýkaký penaltıden gol salyp, esep aıyrmashylyǵyn qysqartqan. Biraq ekinshi taımda belgııalyqtar tarazy basyn teńestire almady.
Endi jartylaı fınalda Italııa men Ispanııa kezdesedi. Bul match 6 shildede «Ýemblı»stadıonynda ótedi.