Memleket basshysy Qasym-Jomart Toqaev elimizdegi sanıtarlyq-epıdemıologııalyq ahýal jónindegi jumys keńesinde koronavırýstyń jańa tolqyny týraly aıtty, dep habarlaıdy Egemen.kz.
«Koronavırýstyń jańa tolqyny eń joıqyn bolyp otyr. Sońǵy kúnderi júzdegen azamattarymyzdan aıyrylyp jatyrmyz. Ár óńirde aýrýhanaǵa túsken naýqastardyń sany kúrt kóbeıdi. Jansaqtaý bólimderiniń barlyǵy iske qosyldy. Qosymsha dári-dármek pen qural-jabdyq satyp alyndy», dedi Prezıdent búgingi jıynda.
Prezıdenttiń aıtýynsha, árbir adam óz densaýlyǵyna jaýapkershilikpen qaraýy kerek.
«Elimizdiń ár azamatyna aıtarym densaýlyqty saqtańyzdar, týǵan-týystyń, otbasynyń amandyǵyn oılańyzdar! Al, Úkimet pen óńir basshylary belgilengen mindetterdiń bárin minsiz atqarýǵa tıis», dedi Toqaev.