Tokıoda ótken Halyqaralyq Olımpıada komıtetiniń sessııasynda biraýyzdan Olımpıada oıyndarynyń jańa urany bekitildi. Bul týraly Olımpıada oıyndardyń saıtynda jazylǵan, dep habarlaıdy Egemen.kz.
Endigi ýaqytta Olımpıada oıyndarynda «Jyldamyraq, bıik, kúshtirek – birge», dep urandalady.
«Uıymshyldyq – sport arqyly álemdi jaqsarta túsýdegi bizdiń negizgi mıssııamyz. Jyldam bolý úshin, bıik shyńdardy baǵyndyrý úshin jáne myqty bolý úshin – biz birge bolýymyz kerek», dedi Halyqaralyq Olımpıada komıtetiniń prezıdenti Tomas Bah.
Olımpıadanyń qazirgi «Jyldamyraq, bıik, kúshtirek» urany 1894 jyly alǵashqy olımpıada kongresiniń sheshimimen bekitildi. 1896 jyly Afınada alǵash qazirgi zaman olımpıada oıyndary ótti.
HOK basshysy Tomas Bah «Uıymshyldyq» sózine erekshe toqtalyp ótti. Urandaǵy «Birge» sózi ol uıymshyldyqty bildiredi.