Japon ımperatory Narýhıto Tokıo olımpıadasyn ashyq dep jarııalady, dep jazady Egemen.kz.
Alaý Fýdzııama taýynyń arenadaǵy kishkentaı kóshirmesinde jaǵyldy. Ony tennısshi Naomı Osaka jaqty. Uıymdastyrý komıteti alaýdy tutatatyn adamdy sońyna deıin jasyrǵan edi.
Olımpıada týyn ár qurlyqtyń adamy men bosqyndar komandasynyń ókili kirgizdi. Olar týdy pandemııa kezinde eńbek etken áleýmettik sala qyzmetkerlerine tabystady. Bul pandemııaniń sımvolıkalyq kórinisi. Keıin týdy áskerıler alyp, tuǵyrǵa kóterdi. Olımpıada ánurany shyrqaldy.
Bıyl olımpıadaǵa 12500 sportshy qatysady. Onyń 49%-y áıelder. Jarys 47 sport alańynda ótedi.
127 jyl boıy olımpıada urany bolyp kelgen «Jyldamyraq, bıigirek, kúshtirek» sózine endi «birge» sózi qosyldy.
Fotolar sports.ru jáne insidethegames.biz saıtynan