Orman órti Grekııanyń Rodos aralyn sharpydy, jep habarlaıdy Egemen.kz.
Jeksenbi saǵat 12-de Pantanassa aýdanynda paıda bolǵan órt birneshe saǵat ishinde birneshe shaqyrymdy sharpydy.
Tabıǵı apatty joıýmen aınalysatyn órt sóndirý brıgadalary paıda bolǵan jalyn oshaqtaryn oqshaýlaýǵa tyrysty.
Grekııa aqparat quraldarynyń málimetinshe, bılik otqa jaqyn ornalasqan birneshe eldi mekendi evakýasııalaý týraly sheshim shyǵardy.
Qazir erekshe qoryq jáne araldyń týrıstik kórikti jerleriniń biri bolyp sanalatyn Kóbelekter alqabyna baratyn órt toqtatyldy.Alaıda órt sóndirý mamandary túıequs fermasyn órtten qutqara almady. Ferma túgel derlik órtenip ketti, al túıequstardy shuǵyl túrde evakýasııalaýǵa týra keldi.
Araldyń ártúrli bóligindegi qonaqúılerde týrıster jaryqtyń sónýine jáne sýdyń toqtap qalýyna shaǵymdandy.
Jergilikti kommýnaldyq qyzmetkerler aqaýlardy joıý úshin qoldan kelgenniń bárin jasady jáne dúısenbi keshke kóptegen aýdanda jaǵdaı qalypqa keldi.