О́zbekstan Aýǵanstandaǵy jaǵdaıdy muqııat qadaǵalap otyrady jáne el ishinde biregeı úkimet qurý nıetin qoldaıdy. Bul týraly respýblıkanyń Syrtqy ister mınıstrligi málim etti, dep habarlaıdy Egemen.kz.
Vedomstvo bılik tranzıti konsensýs negizinde jáne halyqaralyq quqyqtyń jalpy qabyldanǵan normalaryn eskere otyryp júzege asyrylýy úshin Dohadaǵy aýǵanaralyq kelissózder sheńberinde beıbitshilikke úmit bildirdi.
«Osy baǵyttaǵy ahýaldyń damýy ulttyq kelisimge qol jetkizýge jáne qýatty ári is-áreketke qabiletti memleket qalyptasýy úshin jaǵdaı jasaýǵa ákeletinine senimdimiz.
О́zbek tarapy Aýǵanstanmen dástúrli dostyq jáne tatý kórshi qarym-qatynasty qoldaýǵa jáne kórshi eldiń ishki isterine aralaspaý qaǵıdattaryna adaldyǵyn málimdeıdi», delingen habarlamada.
Qazirgi ýaqytta О́zbekstannyń Kabýl men Mazarı-Sharıftegi dıplomatııalyq mıssııalary shtattyq rejımde jumys istep jatyr. «О́zbek tarapy shekaralardy kúzetý jáne shekara aımaǵyndaǵy tynyshtyqty saqtaý máseleleri boıynsha «Talıban» qozǵalysynyń ókilderimen tyǵyz baılanysta.Sondaı-aq memlekettik shekarany buzýdyń kez kelgen áreketi О́zbekstannyń zańnamasyna sáıkes qatań túrde toqtatylatynyn málimdeımiz», dedi Respýblıka SIM ókili.
Aıta keteıik, О́zbekstan Bas prokýratýrasynyń baspasóz qyzmeti buǵan deıin Telegram-kanalynda senbi jáne jeksenbide Aýǵanstannyń 585 qarýly áskerı qyzmetshisi otyrǵan 22 ushaq men 24 tikushaq el shekarasynan zańsyz ótkenin habarlaǵan bolatyn. Alaıda, keıin habarlamany óshirip tastady.