Aýǵanstannyń batysynda Tálipter (Qazaqstanda jáne basqa elderde tyıym salynǵan uıym) Deutsche Welle (DW) teleradıokompanııasyndaǵy jýrnalıstiń jaqyn týysyn óltirip, taǵy bir jaqynyn jaralaǵan, dep habarlaıdy Egemen.kz.
Bul týraly DW óz saıtynda habarlaǵan.
Tálipter Germanııada bolǵan jýrnalısti izdegen. Nátıjesinde eki týysyn taýyp, olardyń bireýi aýyr jaralaǵan.
Jýrnalıstiń qalǵan týystary sońǵy sátte qashyp úlgerdi jáne qazirgi ýaqytta sodyrlardan jasyrynyp júr. Kompanııanyń bas dırektory Peter Lımbýrg osy oqıǵaǵa baılanysty Germanııa úkimetin «sheshýshi shara qoldanýǵa» shaqyrdy.
«Bizdiń qyzmetkerlerdiń biriniń týysy Tálipter tarapynan óltirilýi qazirgi ýaqytta jýrnalıster men olardyń otbasy úshin Aýǵanstanda bolý qanshalyqty qaýipti ekenin kórsetedi», dedi Lımbýrg.
Buǵan deıin Aýǵanstan jýrnalısterin qorǵaý komıteti jergilikti BAQ qyzmetkerleriniń ómirine qaýip tónip turǵanyn aıtqan.