Qazaqstannyń Kabýldaǵy elshiligi «Talıban» qozǵalysynyń qorǵaýynda. Bul týraly QR Syrtqy ister mınıstriniń orynbasary Aqan Rahmetýllın málimdedi, dep jazady Egemen.kz.
«Talıban» Kabýldy basyp alǵan kezde olar bizdiń elshiliktiń aýmaǵyna kirdi. Elshi kóshege shyqty. Polısııa, kúzetshi joq. Elshi shyqty, sóılesti, bul Qazaqstan elshiligi ekenin aıtty. Tálipter de qorqýdyń qajeti joq ekenin, kúzetetinderin aıtty. Sodan beri elshilikti tálipter kúzetedi», dedi ol.
Aqan Rahmetýllın Qazaqstan tálipterdi moıyndamaıtynyn, biraq Aýǵanstandaǵy jaǵdaı muqııat baqylaýda ekenin atap ótti.