Qazaqstan Eýropa Odaǵy elderiniń azamattaryn Aýǵanstannan evakýasııalaıtyn ushaqtarǵa janarmaı quıý úshin qonýǵa ruqsat berdi, dep jazady Egemen.kz.
Qazaqstan prezıdenti Qasym-Jomart Toqaev Eýropa Odaǵy prezıdenti Sharl Mıshelmen telefonmen sóıleskende osylaı dep habarlady.
Qazaqstan prezıdenti baspasóz qyzmetiniń habarlaýynsha, Toqaev Sharl Mıshelge Qazaqstannyń aýǵan máselesine qatysty ustanymyn aıtqan. Toqaevtyń aıtýynsha, Qazaqstandaǵy aýǵan stýdentterine kómek berilip jatyr.
«Memleket basshysy aýǵan máselesine qatysty, sonyń ishinde Aýǵanstanda da Qazaqstan men Eýropalyq Keńes tyǵyz qarym-qatynas ornata alady dep esepteıdi. Qazaqstan Eýropalyq Odaq elderiniń azamattaryn evakýasııalaǵan ushaqtarǵa óz áýejaılarynda janar-jaǵar maı quıýǵa múmkindik jasaǵany týraly aıtyldy», dep jazylǵan habarlamada.