Rejısser Farhat Sháripovtiń «18 kılogers» fılmi HVII Qazan Halyqaralyq musylman kınofestıvaliniń bas júldesine ıe boldy. Kartına úzdik tolyqmetrajdy oıyn fılmi atandy, dep habarlaıdy Egemen.kz.
Sondaı-aq, kartına operatorlyq jumysy úshin marapatqa ıe boldy (Aleksandr Plotnıkov).
Eske salaıyq, «18 kılogers» fılminiń álemdik tusaýkeseri Varshavadaǵy Halyqaralyq kınofestıvalde ótken bolatyn, onda kartına sensasııalyq túrde gran-prı jeńip aldy. Keıin fılm Kotbýsta (Germanııa) ótken 30-shy Halyqaralyq kınofestıvalde úzdik atandy.«18 kılogers» fılmi - 90-jyldardyń sońyndaǵy jasóspirimderdiń ómiri baıandalatyn kóshe tarıhy. Fılmdegi basty rolderdi debıýtant akterler somdaǵan: Musahan Jumahan, Álibek Ádiken, Kamıla Fýn-So. Kınokartına 2020 jyldyń qazanynda sensasııalyq túrde 36-shy Varshava Halyqaralyq kınofestıvaliniń gran-prıin jeńgen bolatyn.
Odan bólek, «18 kılogers» fılmi Azııadaǵy eń iri kınofestıvalde - Pýsan halyqaralyq kınofestıvaliniń "Azııa kınosyna tereze" atty konkýrstyq baǵdarlamasynda kórsetildi.
Endi aldaǵy kúnderi Almatyda fılmniń aqtyq túsirilimi ótedi.
XVII Qazan Halyqaralyq musylman kınosy festıvali Tatarstan respýblıkasynyń astanasynda 5-10 qyrkúıek aralyǵynda ótti. Bıyl forýmǵa 45 eldiń kınematografısteri ótinim bergen.