Qarjy monıtorıngi agenttiginiń Nur-Sultan qalasy boıynsha aýmaqtyq departamenti «Antares» qarjy pıramıdasynyń qyzmetine tyıym saldy, dep habarlaıdy Egemen.kz.
Qarjy monıtorıngi agenttiginiń málimetinshe, qarjy pıramıdalaryn uıymdastyrýshylar alaıaqtyq shemalardy ártúrli joldarmen qurastyrady. Bul zergerlik buıymdardy, týrıstik bıletterdi, baǵaly qaǵazdardy satyp alý, satý qyzmetteri, sondaı-aq krıptovalıýtalar men bıtkoınderdi satýdyń jańa tásilderi bolýy múmkin.
«Antares» qarjy pıramıdasyn uıymdastyrýshylar jeke tulǵalardyń aqshasyn kásipkerlik qyzmetke tartqan. Biraq is júzinde olar qarajatty qaıta bólý jáne keıbir qatysýshylardy basqa salymshylardyń jarnalary esebinen baıytý arqyly tabys taýyp kelgen.
«Alaıaqtardyń bir ǵana maqsaty bar - senimdi azamattardy eleýli qarjylyq shyǵyndarǵa alyp keletin «ústeme» jobaǵa tartý. Atalǵan fakti boıynsha sotqa deıingi tergeý amaldary júrgizilýde. Aýmaqtyq departament barlyq zardap shekken adamdardy jáne keltirilgen zalal somasyn anyqtaýǵa baǵyttalǵan sharalardy qabyldaıdy», dep habarlady vedomstvo.