Aýǵanstannyń shyǵysyndaǵy Jelalabad pen Kabýl qalalarynda bolǵan birneshe jarylys úshin jaýapkershilikti DAISh (Qazaqstanda tyıym salynǵan) uıymy óz moınyna aldy, dep habarlaıdy Egemen.kz
Bul týraly Reuters agenttigi málimdedi.
«Talıban qozǵalysynyń 35-ten astam sodyry birneshe jarylys saldarynan qaza tapty jáne jaralandy», dep Reuters sodyrlar tobynyń málimdemesin keltirdi.
О́z kezeginde tálipter bul oqıǵa jaıly resmı aqparat taratqan joq.
Aıta keteıik, Jelalabad aýmaǵynda bolǵan úsh jarylystan kem degende eki adam qaza taýyp, 20-ǵa jýyq adam jaralanǵan. Al keı málimetterde úsh adam kóz jumǵany habarlandy.
Al Jazeera agenttigi Kabýl men Jelalabad qalalaryndaǵy jarylystardan kem degende jeti adam qaza taýyp, 30-ǵa jýyǵy jaralanǵanyn málim etti.