Qasym-Jomart Toqaev Vladımır Pýtındi Memlekettik Dýma Federaldy Jınalysynyń VIII shaqyrylymyna saılaý naýqanynyń sátti ótýimen quttyqtady. Saılaý nátıjesi Reseıdiń ishki saıası turaqtylyǵyn nyǵaıtý úshin asa mańyzdy dep esepteıdi Qazaqstan Prezıdenti, dep jazady Egemen.kz Aqordaǵa silteme jasap.
Sonymen qatar Qasym-Jomart Toqaev Perm memlekettik ulttyq zertteý ýnıversıtetinde bolǵan qandy oqıǵanyń saldarynan adamdardyń qaza bolýyna baılanysty kóńil aıtty.
Áńgimelesý barysynda memleketter basshylary Qazaqstan men Reseı arasyndaǵy saýda-ekonomıkalyq qatynastardyń qarqyndy damýyn oń baǵalap, Kókshetaýda 30 qyrkúıekte ótetin О́ńiraralyq yntymaqtastyq forýmynyń mańyzdylyǵyna jáne onyń mazmundy ári sapaly bolýyna basa nazar aýdardy.
Qazaqstan men Reseı basshylary 16-17 qyrkúıek kúnderi Dýshanbede ótken UQShU men ShYU sammıtteri aıasynda qol jetkizilgen ýaǵdalastyqtardy júzege asyrý úshin is-qımyldardy úılestirýge daıyn ekenderin naqtylady.