AQSh Halyqaralyq damý agenttigi (USAID) Mańǵystaý oblysyndaǵy qýańshylyqtan zardap shekken adamdarǵa kómek kórsetý úshin 100,000 AQSh dollaryn beretini týraly málimdedi, dep jazady Egemen.kz.
USAID Qazaqstannyń Qyzyl Jarty aı uıymyna qýańshylyqtan zardap shekken halyqtyń eń osal toptaryna qoldaý kórsetý úshin 100 000 AQSh dollary kóleminde grant usyndy.
«Mańǵystaý oblysyndaǵy qýańshylyq myńdaǵan túliktiń qyrylýyna, egis alqaptarynyń joıylýyna jáne tushy sýdyń onsyz da jutań resýrstarynyń sarqylýyna alyp keldi. Mal sharýashylyǵy osy óńirdegi negizgi kiris kózi bolǵandyqtan, tabıǵı apat aıtarlyqtaı zalal keltirdi. Qýańshylyq saldarynan sút pen et óndirý kólemi tómendedi. Ol jergilikti halyqtyń tirshiligine keri áserin tıgizip jatyr», dep jazdy USAID.
Malynan aıyrylǵan 200-den astam úıge qarjylaı kómek beriledi. Onyń mólsheri otbasynyń ár múshesi úshin kúnkóris mınımýmyna súıenip esepteledi. Shamamen bir úı sharýashylyǵyna shaqqanda 170 000 teńgege deıin aınalady. qarajat jaǵdaıdy baǵalap, kómekke muqtaj otbasylaryn anyqtaǵannan keıin aýdarylady.