Memleket basshysy Qasym-Jomart Toqaevtyń tapsyrmasy boıynsha órt qaýipsizdigin qamtamasyz etý jónindegi jol kartasy ázirlenip jatyr. Bul týraly Úkimet otyrysynda belgili boldy, dep jazady Egemen.kz.
Qujatta órt sóndirý beketterin zamanaýı tehnıkamen jaraqtandyrý, erikti órtke qarsy quralymdardy damytý, erikti órt sóndirýshilerdiń áleýmettik kepildikteri men jeńildikterin jaqsartý, adamdar kóp bolatyn paıdalanýǵa beriletin obektilerge, turǵyn jáne bıik ǵımarattarǵa qoıylatyn órt qaýipsizdigi talaptaryn kúsheıtý máseleleri kózdeledi.
Premer-Mınıstr Tótenshe jaǵdaılar mınıstrligine bıylǵy jyldyń 20 qazanyna deıin múddeli memlekettik organdarmen birlesip, órt qaýipsizdigin qamtamasyz etý boıynsha Jol kartasynyń kelisilgen jobasyn daıyndaýdy jáne qaraýǵa engizýdi tapsyrdy.
TJM-ge ákimdiktermen birlesip jylytý maýsymy kezinde órt qaýipsizdigi máseleleri boıynsha aldyn alý jumystaryn kúsheıtý tapsyryldy.
Indýstrııa jáne ınfraqurylymdyq damý mınıstrligine óńir ákimdikterimen birlesip, gaz jabdyqtary men turmystyq ballondardyń qaýipsiz paıdalanylýyna júıeli baqylaýdy qamtamasyz etý tapsyryldy.