CTS kompanııasynyń habarlaýynsha, qoǵamdyq kólikterdiń qozǵalys kestesinen jańylýyna aýa raıy áser etken, dep jazady Egemen.kz.
«Aýa raıynyń qolaısyzdyǵyna (qar, taıǵaq) baılanysty kólik aǵynynyń jáne qoǵamdyq kólikterdiń qozǵalys jyldamdyǵy tómendedi. Baǵdar avtobýstarynyń qozǵalys ýaqytynan keshigýi oryn alýda. Qoǵamdyq kólikterge arnalǵan jolaqtar joq ýchaskelerde júkteme joǵary bolǵandyqtan, avtobýstardyń qozǵalys jıiligi aıtarlyqtaı buzylyp otyr. Joldarda jol-kólik oqıǵalary jıilep ketti. Onyń ishinde qoǵamdyq kólikter de bar.
Barlyq júrgizýshiden jolda barynsha saqtyq tanytýǵa, qaýipsiz araqashyqtyqty saqtaýǵa, jyldamdyq rejımin tómendetýge, shuǵyl tejegish baspaýǵa shaqyramyz», dep habarlady CTS kompanııasynyń baspasóz qyzmeti.
Aıta keteıik, elordada qalyń qar jaýyp, bir táýlik ishinde 96 jol-kólik oqıǵasy tirkeldi.