AQSh Sırııada áýe shabýylyn jasap, «Al-Kaıda» terrorıstik tobynyń aǵa jetekshisin joıdy. Bul týraly AQSh QK Ortalyq qolbasshylyǵy málimdedi, dep habarlaıdy Egemen.kz RIA Novostıge silteme jasap.
«Sırııanyń soltústik-batysyndaǵy búgingi áýe soqqysy «Al-Kaıdanyń» aǵa lıderi Abdýl Hamıd Ál-Matardy joıdy. Bizde áýe shabýylynan zardap shekken beıbit turǵyndar týraly málimetter joq. Áýe soqqysy MQ-9 kómegimen jasaldy», delingen habarlamada.
Buǵan deıin amerıkandyq barlaý agenttikteri «Al-Kaıda» sodyrlarynyń Aýǵanstanǵa orala bastaǵanynyń alǵashqy belgilerin tirkegeni týraly habarlaǵan bolatyn.
Aıta ketsek, dál osy «Al-Kaıda» 2001 jylǵy 11 qyrkúıekte jasalǵan shabýyldarǵa qatysy baryn rastady, sodan keıin AQSh Aýǵanstanda áskerı operasııany bastady.
«Al-Kaıda» - eń iri ýltra radıkaldy halyqaralyq terrorıstik uıymdardyń biri. 1988 jyly Aýǵanstanda Ýsama ben Laden keńes shapqynshylyǵymen kúresý úshin qurylǵan. Uıym «uly Islam halıfatyn» qurýdy maqsat etip otyr.