Belgradta buıyrǵany – bes júlde

Komandalyq esepte – ekinshi oryndamyz

Solardyń arasynan oza shapqan 15 eldiń órenderi aqtyq synǵa alqynbaı jetti. Bir qýanyshtysy, bas júlde úshin tartysqa túskendar qatarynda qazaqtyń da jigitteri boldy. Balqan túbeginde óner kórsetken Qazaqstannyń 13 bylǵary qolǵap sheberiniń úsheýi jarty jolǵa jetpeı súrinip, qalǵandary qarsylastaryn qoǵadaı japyryp

Jartylaı fınalda 48 kg sal­maqtaǵy Temirtas Júsipov Ev­genıı Karmılchýkpen qol­ǵap túıis­tirdy. Eýropa chempıo­natynda qola medaldy ıelengen Belarýs boksshysynyń Bel­gradtaǵy óneri óte jaqsy áser qaldyrdy. Asa jeńil salmaq­ta baq synap júr­genine qara­mastan úsh kezdesýdiń ekeýin mer­ziminen buryn aıaq­taǵan ol kópshilik nazaryn bir­den ózine aýdardy. Evgenııdiń boıy ta­pal bolǵanymen, denesi my­ǵym, soqqysy joıqyn. Bi­raq bul básekede Temirtas du­rys taktıka qoldana bildi. Qan­dasymyz boıy men qolynyń uzyn­dyǵyn tıimdi paıdalandy. Aıaq­pen de óte jaqsy qımyldady. Qar­sy­lasy jantalasqanymen qazaq boks­shysynyń qarqynyna ilese alǵan joq. Báseke barysynda birde-bir ońtaıly soqqysyn daryta almaǵan Karmılchýk áb­den dińkeledi. Júsipovtiń je­ńi­sine eshkimniń de kúmáni bol­mady.

Bastapqy básekelerde qarsy­lastaryn qoǵadaı japyrǵanyna kýá bolǵan kórermender 54 kg  salmaq dárejesinde óner kórsetip júrgen Mahmud Sabyrhannyń stılin Ýkraınanyń maqtanyshy Vasılıı Lomachenkomen salystyrdy. Al keıbir kórermender «Ǵasyrlar toǵysynda atoı salǵan Alash­tyń altyn asyqtaı uly Bek­zat Sattarhanovpen qaıta qa­ýysh­­qandaı boldyq» desip te jat­­ty. Árıne, Sabyrhan áli de olar­dyń deńgeıine jete qoıǵan joq. Desek te rıngtegi qımyl-qozǵalysyna, eptiligi men shap­shańdyǵyna, batyldyǵy men ójet­tigine jáne tehnıkalyq arse­na­lynyń moldyǵyna qarap, bul jigittiń ónerine súısinbeý múm­kin emes. Qazirdiń ózinde-aq dýaly aýyz mamandar «Bul boks­­shynyń bolashaǵy zor» dep aı­typ jatyr. Jartylaı fı­nalda úndistandyq Akash Kýmar­dy sabady. Qarsylasy da jas órenniń myqtylyǵyn moıyndady. Jek­pe-jek aıaqtalǵan bette Akash Mah­mudty shyn júrek­ten je­ńisi­men quttyqtap, ekeýi qu­shaq­­tas­qan kúıi sýretke de túsip úlgerdi.

51 kg salmaqtaǵy Sáken Bıbo­synov Tanarat Saengfetpen saıysqa tústi. Úsh raýnd boıy Taı­landtyń ókilin jeteginde ustap, óziniń yrqyna ońaı kóndirgen Myrzaǵalı Aıtjanovtyń shákirti aqyry dittegen maqsatyna qol jetkizdi. Osyǵan deıin 2019 jylǵy álem chempıonaty men 2021 jylǵy Olımpııa oıyndarynyń jartylaı fınalynda jeńilip, qola medaldy qanaǵat tutqan Sákenge bul joly bas júldeni oljalaýǵa tamasha múmkindik týdy.

Iá, 57 kg salmaqtaǵy Se­rik Temirjanov kýbalyq Os­veı Kaballero Garsııaǵa qar­sy shyq­qanda, qandasymyz Pana­merıka oıyndarynyń jeńimpazyn jeńetinine kópshiliktiktiń kú­mánmen qaraǵany ras. Tipti «tas-talqan bolyp utylyp qalmasa eken» dep mazasyzdanǵandar da boldy. Biraq bizdiń jigit bul jekpe-jekke bes qarýyn asy­nyp kelgen eken. Rıngte Serik ózin senimdi ustap, ataqty boks­shymen esh qaı­myqpaı aıqasty. Tipti birinshi raýndtyń sońǵy se­kýndtarynda kýbalyqty nokdaýnǵa da jiberdi. Odan keıin de shabysynan jańylmaǵan Temirjanov jeńis toıyn toılady.

О́kinishke qaraı, Abylaıhan Júsipov jartylaı fınaldyq mejeden asa almady. Syrt kózge qazaq jigiti Sevonret Okazavamen teń dárejede aıqasqandaı kó­rindi. Biraq japon jigiti sál jyldamyraq qımyldap, Jú­sipovtiń únemi aldyn orap otyr­dy. Ony moıyndamasqa laj joq. Al qarymta shabýylǵa jú­­gingen Okazava qasha júrip urys saldy. Bul taktıka óz je­misin berdi. Báseke aıaqtalǵan soń bizdiń bapkerler qazylar alqa­syna narazylyq bildirdi. Biraq tóreshilerdiń bastapqydaǵy she­shimi ózgerissiz qaldy. Osylaısha, Abylaıhan álem chempıonatynda qatarynan úshinshi ret qola medaldy qanaǵat tutty.

San mıllıon jankúıer ta­ǵatsyzdana kútken fınaldyq básekeler eki kúnge sozyldy. She­shýshi tusta tórt tuıaǵyn teń basqan tulpardaı tórt boksshymyz jer tarpyp turdy. Sol sekildi AQSh-tyń da tórt óreni aqtyq synda kúsh synasty. Kýba men Reseıdiń úsh jáne Japonııanyń  eki sańlaǵy dál sondaı qurmetke ıe boldy. Al Taıland, Fransııa, О́zbekstan, Brazılııa, Ázerbaıjan, Armenııa, Túrkııa, Ýkraına, Belarýs jáne Italııadan bir-bir bylǵary qolǵap sheberi álemdik dodanyń altyny úshin aıqasý múmkindikterin saq­tap qaldy. О́zderińiz baıqap otyr­ǵandaı, bas júlde úshin tar­tys 15 memlekettiń ókilderi arasynda ǵana órbidi.

Otyzdan asqanda orda buzdy

Alǵashqy bolyp rıngke Temir­tas Júsipov kóterildi. Taıland­tyq boksshy Výttıchaı Iýrachaıǵa ol adym ashtyrǵan joq. Úsh raýnd boıy damylsyz qımyldaǵan jer­lesimiz qarsylasyn ábden ábi­gerge saldy. Sóıtip, 33 jasynda álem chempıony atandy. Osydan bir jarym aı buryn ǵana Temirtas Más­keýde ótken áskerıler arasyn­daǵy álem birinshiliginde bas júldeni oljalaǵan edi. Mine, endi 

Bel­gradta aldyna jan sal­mady. Sport­tyq karerasy aıaq­talar tusta osyndaı eki birdeı asa iri ja­rysta jarqyn jeńiske qol jet­kizgen Júsipovke alǵystan basqa aıtarymyz joq.

Ile-shala Mahmud Sabyrhan sharshy alańǵa shyqty. Osyǵan deıin aıtylǵan kóptegen maqtaý sózderden keıin 20 jastaǵy qan­dasymyz altyn alady-aý degen oı qylań bergen. Sabyrhannyń ózi de soǵan senimdi sekildi kóringen. Biraq syn saǵatta jas órenniń júı­kesi syr berdi. Fınalda ol bilgeninen jańyldy. Iá, Mah­mudtyń únemi shabýyl ótinde júrgeni ras. Alaıda odan esh­teńe óndire almady. Qımyl-qoz­ǵalysy baıaýlap, siltegen soq­qylary kóp jaǵdaıda aýa qar­map qaldy. Jas jigittiń «ja­nyp ketkeni» baıqalyp turdy. Esesine salqynqandylyq saq­taǵan Tomoıa Sýboı ár soq­qy­syn eseppen jumsady. Ol sı­rek shabýyldaǵanymen, ózine qa­jetti upaılardy qorjynyna saldy. Nátıjesinde, Sýboıdyń esimi Japonııanyń boksshylary arasynan shyqqan tuńǵysh álem chempıony retinde sporttyq she­jirege altyn áriptermen ja­zyldy. Al jeńis tuǵyrynyń eń bıik satysynda marqaıyp turýdy maqsat tutqan Mahmud Sabyrhan kúmis medaldy moınyna ilgende kózine jas aldy.

Tokıoda ketken esesin Belgradta qaıtardy

Kelesi kúni taǵy eki qazaq jigitiniń ónerin tamashaladyq. Sáken Bıbosynov ózine tán má­ner­de judyryqtasyp, amerıkalyq Rosko Hılldi esh qınalmaı ut­ty. Sóz oraıy kelgende, To­kıo Olımpıadasynyń qola júlde­geriniń jerebesi óte aýyr bolǵa­nyn aıta ketýge tıispiz. Bastapqy bá­sekelerde ol Olımpıada chem­pıo­ny, Barker kýbogynyń ıegeri ózbekstandyq Hasanboı Dýs­matov, qurlyqtyq deńgeıdegi jarystarda olja salyp júrgen úndistandyq Depak Kýmar, Rıo Olımpıadasynyń kúmis jáne Gambýrgtegi álem chempıonatynyń qola júldegeri kolým­bııalyq Iýberhen Martınes syn­dy sań­laqtardy san soqtyrdy. Osyn­daı dúldúlderdi jolynan yǵys­tyr­ǵan Sáken «Shtark Are­nada» Qazaq eliniń Ánuranyn shyr­qatty.

Tokıodaǵy sátsizdikten keıin Serik Temirjanov el senimin aqtaý úshin Belgradta baryn saldy. Barlyq básekeni bir demmen ót­kizgen ol aqtyq synǵa deıin al­qynbaı jetti. Biraq fınalda qansha jantalasqanymen Azamat Maqajanov shákirtiniń Djamal Harvıge áli jetpedi. AQSh-tan kelgen 18 jastaǵy boksshy atoılap utpasa da, Seriktiń únemi aldyn orap otyrdy. Ár raýnd saıyn upaıyn eselep, nátıjesinde, bas júldeni qanjyǵasyna baılady. Al Temirjanov kúmis medaldy qanaǵat tutty.

Sóıtip, Qazaqstan quramasy Serbııada ótken álem chempıonatyn 2 altyn, 2 kúmis jáne 1 qola me­dalmen qorytyndylady. Jalpykomandalyq esepte jer­les­­terimiz tek Kýba boksshy­la­rynan qalyp qoıdy. Bostandyq aralynyń ókilderi 3 altyn men 2 qola júldeni oljalady. Úshinshi orynda – AQSh quramasy. Amerıkalyq boksshylar 2 altyn men 2 kúmiske qol jetkizdi. Bul rette Belgradtaǵy básekeniń qar­­sańynda ǵana bas bapkerlik qyz­metke taǵaıyndalǵan Qaırat Sátjanovtyń eńbegin aıryqsha atap ótýge bolady. Bilikti maman qys­qa ǵana merzim aralyǵynda bá­sekege qabiletti komanda ja­saq­taı bildi. Eń bastysy, Qazaq eliniń órenderi álemdegi eń úzdik komandalardyń aldyńǵy leginen kórindi. Chempıonat aıaqtalǵan bette Memleket basshysy Qasym-Jomart Toqaev jeńis tuǵyryna kó­terilgen boksshylardy qut­tyqtap, olarǵa aldaǵy jarystarda da aq jol tiledi. Jaraısyńdar, jigitter!