EO Belarýs-Polsha shekarasyndaǵy mıgranttarǵa kómektesý úshin 700 myń eýro bóletindigin málimdedi, dep habarlaıdy Egemen.kz.
«EO adamdardyń qaıǵy-qasiretin jeńildetý úshin gýmanıtarlyq kómek kórsetýge qulshynysy bar seriktesterin qoldaıdy. Men kóp mıgranttarǵa kómek kórsetý úshin gýmanıtarlyq uıymdardy belsendilik tanytýǵa shaqyramyn», dedi eýrokomıssar Iаnez Lenarchıch.
Aqsha Halyqaralyq «Qyzyl krest» komıteti arqyly túsedi jáne azyq-túlik, jyly kórpe, dári-dármekter men gıgıenalyq quraldardy satyp alýǵa jumsalady.
Polsha men Belarýs shekarasyndaǵy jaǵdaı shıelenise túskenine de ekinshi aptaǵa aýdy. Segizinshi qarasha kúni eki myńǵa jýyq adam qorshaýǵa jınaldy, keıbireýleri EO aýmaǵyna kirýge tyrysty.
Buǵan jaýap retinde polıak shekarashylary kózden jas aǵyzatyn gaz qoldandy. Varshava shekarany qorǵaý úshin 16 myńǵa jýyq qaýipsizdik kúshterin jiberip, Mınskini «jappaı gıbrıdti shabýyl jasady» dep aıyptaǵan bolatyn.