Nur-Sultan qalasynda keler jylǵa basylymdarǵa jazylý bastaldy, dep habarlaıdy Egemen.kz.
Búgin elordada «Jazylym kúni» atalyp ótilýde. Astanalyqtar «Qazposhta» AQ-nyń fılıalyna kelip 2022 jylǵa gazet-jýrnaldarǵa jazylyp jatyr.
«Búgin jyldaǵy dástúrge saı keler jylǵa basylymdarǵa jazylý sharasy ótip jatyr. Jazylym kúni biz úshin mereke. Iá, qazir ınternettiń zamany, degenmen dástúrdi eshnárse buza almaıdy. Elorda jurtyn gazet-jýrnaldarǵa jazylýǵa shaqyramyz», dedi «Qazposhta» AQ Nur-Sultan qalasy fılıalynyń dırektory Baqytjan Málikova.
25 jeltoqsanǵa deıin astanalyq oqyrmandar «Egemen Kazahstan», «Kazahstanskaıa pravda», «Astana aqshamy», «Vechernıaıa Astana», «Tórtinshi bılik», «National Geographic Kazakhstan» jáne taǵy basqa respýblıkalyq jáne qalalyq basylymdarǵa jazyla alady.
«О́tken jyly pandemııaǵa baılanysty basylym kúnin atap óte almadyq. Bıyl jaǵdaı ońtaıly. Búgingi sharanyń arqasynda biraz oqyrman tartamyz degen úmittemin. Bizdiń gazettiń 1 ǵasyrdan astam tarıhy bar. Gazet-jýrnal oqıtyn oqyrmandar sany arta bersin», deıdi «Kazahstanskaıa pravda» gazetiniń bas redaktorynyń orynbasary Sábıt Moldybaı.
Sondaı-aq, alǵash bolyp jazylǵan oqyrmandarǵa Qazposhta jáne basylym redaksııasy atynan syılyqtar qarastyrylǵan.