Shymkentte adamdardy aldap, aqshalaryn ıemdengen eki alaıaq ustaldy, dep habarlaıdy Egemen.kz.
Oblystyq PD málimetteri boıynsha, 2021 jyldyń basynan bastap polısııaǵa ınternet-alaıaqtardyń áreketterinen zardap shekkenderdiń ótinishteri túse bastaǵan.
«Alaıaqtar mıkrokredıttik uıymdar arqyly ózgeniń atynan 105 myń teńgeden 140 myń teńgege deıin qaryz rásimdegen», dep jazady PD baspasóz qyzmeti.
Jedel-izdestirý sharalary barysynda polıseıler Shymkenttiń 26 jastaǵy eki turǵynyn ustady.
«Jalǵan banktik kartalaryn paıdalana otyryp jalpy kólemi 17 mln teńgege materıaldyq zalal keltirdi. Olar búkil respýblıka boıynsha áreket etken. Polıseıler kúdiktilerdiń ınternet-alaıaqtyqtyń 150 faktisine qatysy bar-joǵyn anyqtap jatyr», dep qosty departament.
Polısııa QR QK 190-baby «Alaıaqtyq» boıynsha qylmystyq is qozǵady.
Tergeý amaldary júrgizilýde.