Qazaqstanda medısınalyq kómektiń qoljetimdiligin qamtamasyz etý maqsatynda 2021 jyly elimizdiń óńirlerinde 109 ambýlatorııalyq-emhanalyq nysannyń qurylysy bastaldy, dep habarlaıdy Egemen.kz.
Bul týraly Densaýlyq saqtaý mınıstrliginiń baspasóz qyzmeti málimdedi.
Jalpy, búgingi tańda halyqqa medısınalyq qyzmetterdi 7 myńnan astam ambýlatorııalyq-emhanalyq uıym kórsetedi, onyń ishinde memlekettik 59%, jeke menshik - 41%.
Jalpy praktıka dárigerleriniń 12 myńnan astam ýchaskesi ashyldy. Qant dıabeti, gıpertonııa jáne sozylmaly júrek jetkiliksizdigi boıynsha aýrýlardy basqarý baǵdarlamasyn iske asyrý jalǵasýda.
Bul baǵdarlamaǵa dınamıkalyq baqylaýdaǵy pasıentterdiń 55%-y qatysady. Qazirgi ýaqytta alǵashqy medısınalyq-sanıtarlyq kómekti qarjylandyrý densaýlyq saqtaýdy qarjylandyrýdyń jalpy kóleminiń 52,4%-na deıin jetkizildi. Bul kórsetkish 60%-ǵa deıin jetkiziledi.
Osylaısha, qymbat stasıonarlyq emdeýden aýrýlardyń aldyn alýǵa kóshý júzege asyrylady.