Almatydan AQSh konsýldyǵynyń keıbir qyzmetkerleri, azamattary men basqa da sheteldikter ýaqytsha evakýasııalandy, dep habarlaıdy Egemen.kz.
«AQSh Qazaqstan Úkimetine 12 qańtarda AQSh konsýldyǵynyń keıbir qyzmetkerlerin, AQSh azamattaryn jáne basqa da shetel azamattaryn Almatydan ýaqytsha evakýasııalaýdy qoldaǵany úshin alǵys bildiredi. Qazaqstan árqashan Amerıka Qurama Shtattarynyń senimdi dosy bolǵan. Biz qazaqstandyqtardyń tabandylyǵyna jáne olardyń osy daǵdarystan qalpyna kelý qabiletine senemiz», delingen AQSh dıplomatııalyq mıssııasynyń baspasózge arnalǵan resmı málimdemesinde.
Buǵan deıin, 6 qańtarda AQSh Memlekettik hatshysy Entonı Blınken men Qazaqstannyń Syrtqy ister mınıstri Muhtar Tileýberdi telefon arqyly sóılesti, onyń barysynda AQSh tarapy Qazaqstannyń konstıtýsııalyq ınstıtýttaryna tolyq qoldaý bildirdi.
«Bizdiń barlyq qyzmetkerlerimiz jaǵdaı múmkindik bergen kezde Almatyǵa oralady dep úmittenemiz», dep tolyqtyrdy baspasóz qyzmeti.