Ulttyq qaýipsizdik komıteti Nur-Sultan, Shymkent qalalary jáne 12 oblysta lańkestik qaýip deńgeıi tómendegenin jáne terrorıstik qaýiptiń qyzyl deńgeıi alyp tastalǵanyn habarlady, dep habarlaıdy Egemen.kz.
Qazir Qazaqstan Respýblıkasynyń 14 óńirinde jaǵdaı turaqtalǵan.
«Osy sebepti terrorızmge qarsy kúres jónindegi Respýblıkalyq jedel shtab (RJSh) Nur-Sultan, Shymkent qalalary, Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qyzylorda, Qostanaı, Mańǵystaý, Pavlodar, Soltústik Qazaqstan jáne Túrkistan oblystary aýmaǵynda terrorızmge qarsy operasııa aıaqtalǵanyn jáne terrorıstik qaýiptiń shekti qyzyl deńgeıi joıylǵany týraly habarlaıdy.
Bul rette, Almaty qalasynda, Almaty jáne Jambyl oblystarynda jappaı tártipsizdik kezinde terrorıstik jáne ózge de qylmystyq áreketke qatysy bar adamdardy anyqtaý jáne ustaý boıynsha sharalar iske asyrylyp jatyr. Tıisinshe osy óńirlerde terrorızmge qarsy operasııa jalǵastyrylyp, terrorıstik qaýiptiń shekti qyzyl deńgeıi saqtalady», delingen habarlamada.