Ýkraınada Ulttyq gvardııa sarbazy 4 áskerı qyzmetshi men 1 áıeldi atyp óltirdi, dep habarlaıdy Egemen.kz Ýkrınform agenttigine silteme jasap.
Oqıǵa kezinde taǵy 5 adam jaraqat alǵan.
«27 qańtar kúni saǵat 03:40-ta «Iýjmash» ońtústik mashına jasaý zaýytynyń aýmaǵynda qaıǵyly oqıǵa boldy. Ýkraına Ulttyq gvardııasynyń jaýyngeri, merzimdi qyzmettegi 2001 jyly týǵan Rıabchýk Artemıı Iýrevıch belgisiz sebeppen qarý berý kezinde Kalashnıkov avtomatynan áskerı qyzmetshilerge oq atqan. Sodan keıin oqıǵa orynnan qashyp ketken. Saldarynan bes adam qaza taýyp, taǵy beseýi jaralandy», dep jazylǵan habarlamada.
2001 jyly týǵan jigittiń Odessa oblysynan kelgeni anyqtaldy.
Oqıǵa ornyna dereý Ulttyq polısııanyń Dnepropetrov oblysy boıynsha basshylyǵy, jedel-tergeý toby, krımınalıst sarapshylar, barlyq salalyq qyzmetkerler jetti.
Dneprde 5 adamnyń ómirin qıǵan ulttyq gvardııashy Artem Rıabchýkty tártip saqshylary ustady.
Endi ol zańda qarastyrylǵan eń qatań jaýapkershilikke tartylady.