WBO tujyrymy boıynsha orta salmaq dárejesindegi álem chempıony Demetrıýs Andrade Jánibek Álimhanulymen kezdesýden bas tartqannan keıin ınstagramda jumbaq jazba qaldyrdy, dep habarlaıdy Egemen.kz.
«Bul – menmin! Aldaǵy kúnderde meni óte jaqsy ózgerister kútip tur», delingen onyń jazbasynda.
Esterińizge sala keteıik, Demetrıýs Andrade mindetti qarsylas Jánibek Álimhanulymen kezdesýden bas tartyp, ekinshi orta salmaqqa kóterilgen bolatyn. Ol WBO tujyrymy boıynsha ekinshi orta salmaqtaǵy álemniń ýaqytsha chempıony, ulybrıtanııalyq Zak Parkermen sharshy alańda kezdespekshi. Qysqasy, Andrade Saýl Alvareske mindetti qarsylas atanýdy kózdep otyr.
Andrade ekinshi orta salmaqqa kóterilgenine qaramastan, búkilálemdik boks uıymy boksshydan chempıondyq beldikti tartyp alǵan joq. Ázirge Jánibek Álimhanuly brazılııalyq Eskıva Falkaomen qolǵap túıistiredi. Osylaısha orta salmaqtaǵy ýaqytsha chempıondy anyqtaıdy. Al Andrade ekinshi orta salmaqta túbegeıli qalatyn bolsa, WBO tujyrymy boıynsha álem chempıony ataǵy avtomatty túrde Álimhanuly-Falkao shaıqasynyń jeńimpazyna buıyrmaq. Eger Andrade orta salmaqqa oralsa, atalmysh juptyń jeńimpazymen judyryqtasady.