Shymkent qalasy polısııa departamentiniń bastyǵy bolyp, polısııa general-maıory Qaırat Sultanbaıuly Dálbekov taǵaıyndaldy, dep habarlaıdy Egemen.kz.
Qaırat Sultanbaıuly 1963 jyly 1 qyrkúıekte Ońtústik Qazaqstan oblysy Saıram aýdany Aqsý aýylynda dúnıege kelgen.
1982-1984 jyldary Keńes Armııasy qatarynda raketalyq bólimde áskerı boryshyn ótegen.
1985 jyly Qaraǵandy qalasyndaǵy Ishki ister mınıstrliginiń joǵary mektebin bitirip, 1989 jyly Shymkent oblystyq atqarý komıtetiniń ICh-167/1 mekemesinde shuǵyl bólimniń jedel ýákili bolǵan.
1994 jyly Memlekettik Tergeý komıtetiniń Ońtústik Qazaqstan oblysy boıynsha basqarmasynyń 3-bóliminiń asa mańyzdy ister jónindegi aǵa jedel ýákili qyzmetin atqarǵan.
Sondaı-aq, Maqtaral aýdany IIB bastyǵynyń birinshi orynbasary, Kentaý qalalyq IIB bastyǵy, 2009 jyly qańtar – mamyr aılarynda OQO IID bastyǵynyń orynbasary, 2011-2013 jyldary OQO IID bastyǵynyń birinshi orynbasary, 2013 jyly Mańǵystaý oblysy ishki ister departamenti bastyǵy, 2017 jyly Ońtústik Qazaqstan oblystyq ishki ister departamentin, 2018 jyldan Túrkistan oblysynyń polısııa departamentin basqaryp keldi.