Qazaqstan Ulttyq banki 33 mıllıon dollarǵa valıýtalyq ıntervensııa jasady. Bul týraly Ulttyq bank tóraǵasynyń orynbasary Álııa Moldabekova aıtty, dep habarlaıdy Egemen.kz Ulttyq banktiń baspasóz qyzmetine silteme jasap.
Moldabekova qazirgi jaǵdaıǵa baılanysty ishki valıýta naryǵyndaǵy jaǵdaıdy turaqty saqtaýǵa Ulttyq bank búgingi saýda-sattyq aıasynda valıýtalyq ıntervensııalar júrgizip jatqanyn aıtty.
«Qazirgi ýaqytta olardyń kólemi 33 mıllıon dollar, jalpy saýda kólemi 155 mıllıon dollar, bul barlyq saýda-sattyqtyń shamamen 20 paıyzy», dedi ol.
Tóraǵanyń orynbasary Ulttyq bank qarjy naryǵyndaǵy jaǵdaıdy, Ýkraınaǵa qatysty jaǵdaıdy muqııat qadaǵalap otyrǵanyn atap ótti.
«Naryqtyń odan ári serpini kóbine sanksııalardyń sıpaty men tereńdigine jáne olardyń Reseı ekonomıkasyna áserine baılanysty», dep qosty ol.
Eske salaıyq, qazir elordanyń birqatar aqsha aıyrbastaý oryndarynda dollar 440 teńgeden, Almatyda 441 teńgeden satylyp jatyr.