Nádir Nádirovtiń esimi jurtshylyqqa Ulttyq ǵylym akademııasynyń akademıgi, otandyq munaı-hımııa ǵylymı mektebiniń negizin qalaýshy retinde tanymal. Izdeniske toly ǵylymı jetistikterimen ǵylymnyń bıik shyńyna kóterilgen ǵalym bir shoǵyr shákirt tárbıeledi.
S.О́tebaev atyndaǵy Atyraý munaı jáne gaz ýnıversıtetinde akademıktiń 90 jyldyǵyna oraı «Ǵylymı dástúrler sabaqtastyǵynyń jáne mamandyqqa adaldyqtyń jarqyn úlgisi» taqyrybynda Nádirov oqýlary ótti. Oǵan otandyq munaı-gaz salasyndaǵy tanymal áriptesteri men ǵalymnyń otbasy qatysty. Atalǵan is-sharaǵa onlaın formatta qosylǵan Reseı Federasııasynyń, Ázerbaıjan men Qyrǵyzstan Respýblıkasynyń ǵalymdary ǵıbratty ǵumyr ıesi týraly esteligimen bólisti.
Akademık munaı-gaz ónerkásibi úshin bilikti mamandar daıarlaýǵa da úles qosqan. Keıin munaıly oblystyń qurmetti azamaty atandy. Endi mine, S.О́tebaev atyndaǵy Atyraý munaı jáne gaz ýnıversıtetiniń bazasynda ashylǵan hımııalyq ınjenerııa jáne ekologııa ınstıtýtyna berilip, eskertkish taqta qoıyldy.
– Nádir Nádirov – kóp qıyndyq kórgen ǵalym. Kezinde Qyzylorda óńirine jer aýdarylyp kelip, óziniń «halyq jaýy» emes ekenin dáleldeý úshin myńdaǵan qujat jınap, oqýǵa tústi. Keıin áıgili ǵalym atandy. Akademık tek bir salamen shektelmeı, ǵylymnyń birneshe salasyn ıgerdi. Sondyqtan búgingi jastar munaı hımııasyna ǵana baılanyp qalmaı, óz múmkindigin keńeıtýge nazar aýdarýy kerek, – deıdi Parlament Senatynyń depýtaty Baqytjan Jumaǵulov.
Atyraý oblysy