О́tken mereke kúnderi jolǵa shyqqan jolaýshynyń 85-i qar qursaýynda qalyp, qaýip-qaterge tap boldy. Onyń 19-y – bala.
Naýryzdyń aq tútek borany áli de býyrqanyp tur. Tipti qaqaǵan qańtar-aqpanda da dál mundaı boran bola qoıǵan joq. Áýeli sál ǵana syrǵyma bolyp bastalǵan boran az ýaqyttyń ishinde at qulaǵyn kórsetpeıtin alapat kúıge endi. Tótenshe jaǵdaılar qyzmetine ókpe joq, jetisinen segizine qaraǵan túnde boran bolatyndyǵyn aıtyp, áleýmettik jeli arqyly eskertýdeı-aq eskertti. Áıtse de beıqamdyqtyń bel alyp ketetini bar.
Qyryq-elý avtokólik bir-birine soǵylyp, jol ústinde osharylyp qaldy. Beınebaıandaǵy kóriniske qarasańyz, ımanyń qasym bolady. Bir adam opat bolyp, birneshe adam jaralandy. 8 naýryz kúni Kókshetaý – Nur-Sultan baǵytyndaǵy kúre joldyń boıynda 85 jolaýshy jol ústinde qaldy. Áıteýir, qutqarýshylar der kezinde jetip, ajal aýzynan alyp qaldy. Býrabaı men Arshaly aýdandarynyń tusynda kúndiz-túni kezekshilik uıymdastyryldy.
О́zin de, ózgeni de áýre-sarsańǵa salatyn osyndaı jaýapsyzdyqtan qashan arylar ekenbiz?!
Aqmola oblysy