2022 jyldyń 18-20 naýryz aralyǵynda Belgrad qalasynda (Serbııa) jabyq ǵımaratta jeńil atletıkadan álem chempıonaty ótedi. Jarysqa Qazaqstan atynan úsh sportshy qatysady, dep habarlaıdy Egemen.kz UOK-ke silteme jasap.
«Aldaǵy álem chempıonatyna qatysatyn barlyq sportshylar oqý-jattyǵý jıyndaryn aıaqtady. Sońǵy eki aıda el ishinde jarystar ótip, olardyń kórsetkishterin, tehnıkasyn jáne fızıkalyq kórsetkishterin jaqsartýǵa praktıkalyq múmkindik berdi.
Tórt sportshy álemdik básekede qatysýǵa múmkindik aldy. Olar: Olga Safronova (60 metrge júgirý), Davıd Efremov (60 metrge kedergiler arqyly júgirý), Mıhaıl Lıtvın (400 metrge júgirý) jáne Nadejda Dýbovıskaıa (bıiktikke sekirý). Degenmen, Olga Safronovadan basqalary chempıonatta baq synaıdy. Ol bapkeler sheshimimen jazǵy jarys maýsymyna, atap aıtqanda Azııa oıyndary men Oregondaǵy álem chempıonatyna qatysý úshin daıyndyǵyn pysyqtaıdy», dedi bas bapker Dmıtrıı Karpov.
Aıta ketsek, búginde jeńil atletıkadan el quramasy Belgradqa attandy. Qazaqstan sapynan birinshi bolyp jarys jolyna Mıhaıl Lıtvın shyǵady.