Tennis Europe uıymy bıyl kúzde Monte-Karloda ótetin Junior Masters týrnıriniń jańartylǵan reıtıngin jarııalady.
Qazaqstan tennıs federasııasynyń málimeti boıynsha, jerlesimiz Zańǵar Nurlanuly 14 jasqa deıingi tennısshiler arasynda 20 aptadan beri kóshbasshylyqty eshkimge bermeı keledi. Qazirgi tańda qazaqstandyq sportshynyń enshisinde 505 upaı bar. Sondaı-aq TOP-150 tennısshiniń qataryna Qazaqstannyń taǵy eki ókili engen. Atap aıtqanda, Damır Jalǵasbaı 38-orynǵa jaıǵassa, Danıel Tazabekov 129-satyda tur.
Junior Masters – Eýropanyń 14 jáne 16 jasqa deıingi eń úzdik jas tennısshileri baq synaıtyn iri jarys. Bul jarysta kezinde Rafael Nadal, Kım Kleısters, Aleksandr Zverev, Belında Benchıch sııaqty tennısshiler chempıon atanǵan.