Eńbek jáne halyqty áleýmettik qorǵaý mınıstriniń 2022 jylǵy 7 sáýirdegi buıryǵymen bosqyn mártebesin berý týraly ótinishhatty tirkeý jáne qaraý qaǵıdalary bekitildi, dep habarlaıdy Egemen.kz.
Bosqyn mártebesin alý úshin pana izdegen adam Qazaqstanǵa kelgen kúninen bastap 5 kúntizbelik kún ishinde nemese ol Qazaqstan aýmaǵynda júrip, násili, ulty, dinı senimi, azamattyǵy, belgili bir áleýmettik topqa nemese saıası nanymǵa qatystylyǵy boıynsha qýdalaýdyń qurbany bolǵany týraly bilgen kúnnen bastap Qazaqstan Respýblıkasynyń zańnamasynda belgilengen tártipke saı ótinish beredi.
О́tinishhat qazaq nemese orys tilderinde toltyrylady. Eger pana izdegen adam ótinishhatty qazaq nemese orys tilinde óz betinshe toltyra almasa, onda ol aýdarmashynyń kómegine júgine alady.
Sondaı-aq jeke basyn kýálandyratyn qujattar qosa tapsyrylýy qajet.
О́tinish túsken kúni ótinish berýshige Qazaqstan Respýblıkasynda pana izdegen adamnyń kýáligi beriledi.
Kýálik 18 jasqa tolǵan sheteldikterge, azamattyǵy joq adamdarǵa úsh aı merzimge beriledi. Bolashaqta onyń merzimi taǵy úsh aıǵa uzartylýy múmkin.
Bul kýálik bosqyn dep taný týraly ótinish bildirgen sheteldiktiń, azamattyǵy joq adamnyń Qazaqstan aýmaǵynda bolýynyń zańdylyǵyn rastaıdy.
Buıryq 2022 jylǵy 23 sáýirden bastap qoldanysqa engiziledi.