Áleýmettik jelilerde taralyp jatqan qarýly adamdardyń atysy týraly beınekadrlar bıylǵy qańtardyń 5-inen 6-syna qaraǵan túni Taraz qalasynda bolǵan, dep habarlaıdy Egemen.kz UQK baspasóz qyzmetine silteme jasap.
Vedomstvonyń jazýyna qaraǵanda, onda sany 350-ge deıingi top atys qarýyn qoldanyp, UQK Jambyl oblysy boıynsha departamentin basyp alǵysy kelgen.
«Qorǵanys barysynda atys jaraqatynan departamenttiń terrorızmge qarsy kúres ortalyǵynyń bólim bastyǵy podpolkovnık Dastan Ádilbaı qaza tapty. Osy faktiler boıynsha sotqa deıingi tergep-tekserý júrgizilýde», dep jazylǵan habarlamada.