Sıfrlyq damý, ınnovasııalar jəne aeroǵarysh ónerkəsibi mınıstri Baǵdat Mýsın aýyldarǵa ınternet jelisin elektr baǵanalary arqyly tartýdy usyndy, dep habarlaıdy Egemen.kz.
«Optıkalyq talshyq jelilerin tartýdy jeńildetý úshin elektr baǵanalaryn paıdalanýdy usynyp otyrmyz. Ondaı baǵanalar aýyldardyń kóbinde bar. Sol baǵanalardy qoldana otyryp, optıka ótkizýdi zańdy turǵyda engizip jatyrmyz», dedi Baǵdat Mýsın Májilistiń baspasóz alańynda tilshiler suraǵyna bergen jaýabynda.
Onyń paıymynsha, atalǵan norma Parlamentten qoldaý taýyp, kúshine ense, aýyl ishinde ınternet taratýǵa nıetti áleýetti operatorlardyń yqtımal shyǵyndary qazirgiden áldeqaıda azaıady.